Áhugamál mín snúa að mestu að samveru með fjölskyldu og vinum, útivist og hreyfingu. Alla tíð hefur mér þótt gaman að eiga samskipti við fólk.  Sex ára gömul ára gömul var ég ákveðin í að starfa sem lögfræðingur og gera mitt besta til að aðstoða þá sem þurfa á því að halda.

Hvað varðar menntun þá hef ég lokið grunnnámi í viðskiptalögfræði við Háskólann á Bifröst, meistaranámi í lögfræði við Háskólann í Reykjavík og er nú á þriðju önninni í námi til löggildingar fasteigna- og skipasala og stefni á útskrif vorið 2024.

Ég hef gaman af að læra og hef því setið nokkur námskeið undanfarin ár, m.a. mannauðsstjórnun og leiðtogafærni, breytingarstjórnun og fagnám í ummönnun fatlaðra. Ég horfi á það að við lærum svo lengi sem við lifum og eigum að vera opin fyrir því og óhrædd að sækja okkur þá þekkingu sem við höfum áhuga á að kynna okkur frekar.

Í gegnum tíðina hef ég setið í nefndum, sinnt ýmsum fræðslumálum og tekið virkan þátt í félagsstarfi. Núna sit ég í stjórn körfuknattleiksdeild Skallagríms og er formaður yngraflokkaráðs körfuboltans og var þar áður formaður foreldrafélags Grunnskólans í Borgarnesi. Þá var ég formaður húsfélags í nokkur ár, sat í kærunefnd Lögréttu við Háskóla Reykjavíkur og var kynningar- og upplýsingafulltrúi Nemendafélagsins á Bifröst. Ég hélt útskriftaræðu fyrir hönd lögfræðisviðs Háskólans á Bifröst þegar grunnnámi lauk. Ég legg mikið upp úr jákvæðum og lausnamiðuðum samskiptum.